ŽEMAITIU DĖINAS 2025 Plungė
Žemaitē sosėrinks! Vo to?
Gegožės 19 – 25 dėinuoms Plungie vėsūm lauk pėrmāsis žemaitiu koltūras pestivalis „Žemaitiu dėinas“, kvėitōs kortė, pažintė, atrastė ėr šēp – pabūtė karto.
Amatā, katrėi īkvep kūrībėnės dėrbtovės, kor galiesėt ėšbondītė ton, kon ėš kartuos i karta pardoud meistrā: kalvīstė, medė druožība, keramėka, audėms. Če svarbės na tėk teknėkas – če svarbos žmuogos, patėrtės, smalsoms. Vėskas lietā, nuobažnē ėr so meilė ronku darbou.
Žemaitėjės ėstuorėjė ėr kalba, pestivalė muokīmā ėr paskaitas kvėis paveizietė i Žemaitėjė par naujė – na tėk kāp i praeiti, bet kāp i tapatībė, katra gīva ėr šėndėin.
Lėteratūrėnē skaitīmā žemaitėškā lēs patėrtė žemaitiu kalbuos unėkaloma – je ana nie dā jūsa kasdėinībie, anuos gruožis taps artėms kėkvėinam. Mozėka ėš patiuos šėrdėis līdies vėsas dėinas – tėik pruopesuonaliūm mozėkontu, tėik bėndruomeniu kolektīvu. Skombies dainės, katrūm meluodėjės keliaun ėš kartuos i karta, ėr šioulaikėškė kūrėnē, katrūs sosėtink tradicėjės ėr dabartės.
Poikos čiesos būtė karto! Kvėis amatūm mogė, gardė tradicėnē jiedėmā ėr puokalbē, katrėi nator scenarėjaus! „Žemaitiu dėinuos“ esat kvėitamis pabūtė bėnt adīna, vo rast ėr vėsa nedielė!
Laukam vėsūm – svetiūm, prieteliu ėš artėi ėr tuolėi! Atvažiouk, atēk, je esi žemaitis, tėk to dā nažėnā…
Plungės kultūros centro inf.
