Konkursos – Poikiausės Muorės rinkėmā
2026-02-11
Kvėitam pasėstrajitė Ožgavieniems – pasėdėrbtė Muorė.
Konkursė gal dalīvautė vėsė: valstībėnės istaigas, vėsuomenėnės organizacėjės, imuonės, atskėrė žmuonis.
Konkursou rēk pasėdėrbtė Muorė ė 2026 m. vasarė 17 d. rīta meta matuomuo vėituo pastatītė. Muorė nupaveiksloutė ė nuotrauka iki pėitū atsiūstė el. pašto aldona.kuprelyte@zemaitijosnp.lt .
Muorės dėdoms nie svarbos: gal būtė ė dėdesnė, ė mažesnė. Vėsū svarbēsis dalīks, ka būtom truopni.
Komisėjė Muorės nuotraukas ivertins 2026 m vasarė 17 dėinuos pavakarie.
Rezoltatā būs paskelbtė par Ožgavienės – 2026 m. vasarė 17d. 17 val. pri Plateliu koltūras nomū ėr Žemaitėjės naciuonalėnė parka svetainie »
Žemaitėjės naciuonalėnė parka inf.
Visi komentarai
Komentarų nėra
