Konkursos – Poikiausės Muorės rinkėmā

Kvėitam pasėstrajītė Ožgavieniems – pasėdėrbtė Muorė.

Konkursė gal dalīvautė vėsė: valstībėnės īstaigas, vėsuomenėnės organizacėjės, īmuonės, atskėrė žmuonis.

Konkursou rēk pasėdėrbtė Muorė ė 2025 m. kuova 4 d. rīta meta matuomuo vėituo pastatītė. Muorė nupaveiksloutė ė nuotrauka lig pėitu atsiūstė el. pašto aldona.kuprelyte@zemaitijosnp.lt .

Muorės dėdoms nier svarbos: gal būtė ė dėdesnė, ė mažesnė. Vėsū svarbēsis dalīks, ka būtom truopni. Pridedam Muorės karkasa briežėnius, ka lėngviau būtom padėrbtė (do varianto – pasėskėrkėt, katras jou tink).

Komisėjė Muorės nuotraukas ivertins 2025 m. kuova 4 dėinuos pavakarie.

Rezoltatā būs paskelbtė par Ožgavienės – 2025 m. kuova 4 d. 17 val. pri Plateliu koltūras nomū ė Žemaitėjės naciuonalėnė parka svetainie (https://zemaitijosnp.lt/naujienos/ )

Nugalietuoju lauk poikė prizā:

I vėita – edukacėjė – žaidėms Šaltuojė kara muziejėnie ekspozicėjuo,

II vėita – ekskursėjė po Plateliu dvara suodības muziejėnės ekspozicėjės,

III vėita – ekskursėjė pasėrinkto maršruto po Žemaitėjės naciuonalėni parka.

SVARBO! Nugalietuojē duovėnū kupuonus tor panauduotė lig 2025-05-30.

Gaspaduorios – Žemaitėjės naciuonalėnė parka direkcėjė

PLATELĒ, 2025